ÖR DÝPKUN LÆGÐARINNAR

Nú í hádeginu er lægðin að dýpka um 5 hPa á um 3 klst.  Hún er sem sé í foráttuvexti.

Einnkenni slíkra lægða má sjá á vatnsgufumynd SEVERI af Brunni Veðurstofunnar nú kl. 12.  Lægðin er tekin að mynda skýjasnúð umhverfis miðju sína.  Austan og norðan miðjunnar er uppstreymi á stóru svæði.  Þar er hlýtt og rakt loft í framrás og heilmið skýjasvæði færist í aukana og breiði úr sér.  

Handan lægðarmiðjunnar er hins vegar innskot af þurru lofti sem ættað er úr mikilli hæð. Streymir niður úr heiðhvolfinu.  Með því dregst sk. mættisiða niður í 1000-2000 m hæð bak kuldaskilanna.  Iðan ýtir undir lóðhreyfingarnar í hlýja loftinu og þar með falli loftþrýstings í miðju lægðarinnar. 

Sjáum þessa þrívíddar-hugsun a mynd úr gamalli kennslubók.

Þetta þurra innskot verður aðeins greinilegt og kemur við sögu af alvöru í svokölluð sprengilægðum (e. Bomb cyclogenesis). Það sést best á tunlmyndum sem teknar er á tíðnisviði vatnsgufunnar.