NÆSTI SA-HVELLUR
NÆSTI SA-HVELLUR
Þær koma í röðum lægðirnar þessa dagana.
Sluppum vel við þá í nótt til þess að gera með A-áttinni, en engu að síður fárviðri á Stórhöfða, meðalvindur -34 m/s. Þá fóru hviður í 50 m/s á Hvammi undir Eyjafjöllum.
Næst lægð er skeinuhættari, hvessir nokkuð snögglega á undan skilum hennar seint annað kvöld. Kortið gildir á miðnætti og er frá Met Office. Það versta stendur stutt í 2-3 klst suðvestan- og sunnanlands, og síðan fellur allt í dúnalogn.
Vindaspá DMI/IGB úr tölvunni í kjallara Veðurstofunnar gefur mesta styrk óveðursins í raun lítt eftir vindinum sem var hér í vikunni suðvestanlands (aðfararnótt þrettándans).
Lægðin er hins vegar ekki eins djúp, en þó er miðjuþrýstingnum spáð um 950hPa.
Fylgst verður grannt með þróun mála!
