HELGARVEÐRIÐ, 26. -28. NÓV

Helgarveðrið á mannamáli

Föstudagur:  Í nótt og fram á föstudagasmorgun má reikna með snörpum og skeinuhættum hviðum suðaustanlands, en síðan lægir.  Annars bjartviðri og vægt frost um land allt.  

Laugardagur:  Það laumast að okkur mildara loft enn eina ferðina úr vestri.  Hægur vindur, og gerir snjóföl á fjallvegum suðvestan- og vestanlands. Hins vegar dæmigert veður fyrir frostrigningu og hún getur verið varhugaverð og orsakað lúmska flughálku á vegum. Einni helst á Suðurlandi og í Borgarfirði.  

Sunnudagur:  Hlýnar heldur, en enn fremur hægur vindur. Snjóa mun mest allan daginn á fjallvegum austur fyrir fjall, norður í land og vestur á firði. Slydda og slabb eða þá rigning á láglendi, hvað mildast sunnan- og suðvestanlands.